В прошлом году на I Межрегиональном фестивале кавказской поэзии «Люблю я Кавказ!» имени народного поэта Дагестана Магомеда Ахмедова мы с Валерий Цариев пообещали со сцены Театра поэзии, что к следующему фестивалю привезем с собой поэтический сборник, куда войдут стихи Магомеда Ахмедова и Мурада Ахмедова в переводе на осетинский язык. Свои обещания мы всегда сдерживаем. Книга, под названием "Фыд æмæ фырт" ("Отец и сын") практически готова к печати. В нее вошли мои переводы, переводы Валерия Цариева и Татьяна Плиева
Ну а пока публикую часть двустиший Магомеда Ахмедова в переводе на осетинский язык.

Кæд сыстæм мах уæлæрвтæм дæр къуырма,
Мæ Дæгъистан, цæмæ цæрæм, загъ-ма?

Рæсугъд ныхастæй ничи уыд фæрныг,
Æнæ хъуыддагтæй сты æрмæстдæр рыг.

Йæ цард кæмæн у 'хцатæ æмæ ис,
Æрмæстдæр ингæны ыссары уый æфсис.

Фехъусгæйæ маргъы диссаджы хъæлæс,
Загътон: "Ехх, куы зонин афтæ зарын æз!"

Нæ зоны тас хæларзæрдæйы уд,
Мæнгард лæг та æдзух вæййы тæппуд.

Хуыцаумæ чи кувы, уый хъуамæ уа рæстаг,
Дзæнæтмæ ис рæстдзинады фæндаг.

Æппæты рæсугъддæр ныййарæджы зарæг,
Æппæты зынаргъдæр -фыды зæхх, нæ дарæг.

Поэтты Фыдыбæсты никуыдæр уарзтой,
Поэттæ зынг зæрдæтæ уарзгæ фæхастой.

Фыдæлты къæс æмæ Аллах - мæ сæрмæ,
Гъе уый тыххæй цæттæ дæн æз мæлæтмæ.

Мæхимæ ныр æз тарстхуызæй кæсын,
Аллахы раз фæрæдийын тæрсын.

Зæрондæй ма цæй бæрзæндтæ? Ныууадз!
Зæронды бонты 'нæмæт цард -æвдадз.

Нæ вæййынц никуы хорздзинæдтæ  фаг:
Фæрæдий иу хатт - фестдзынæ ызнаг.

Цы нæ зонын, гъе уый кой ма кæ, зон,
Кæндзынæ ды нæ ныхæстыл фæсмон.

Фидæнæн ивгъуыд фæдзæхсы æнкъард:
Тобæгонд ма 'рцæуæд раздæры цард.

Сабырдзинад нал хъусы а зæххыл  лæг,
Нæй зарæг... Йæ бæсты хъæргæнаг рæстæг.

Нæ хæхбæсты фæлывдзинад ис рагæй,
Фæлæ æз бахызтон мæ зарæг сайдæй.

Бæгуы, Фыдыбæсты цъаммартæ ис дзæвгар,
Фæлæ йæ бабын кæны иу сæлхæр æлдар.

О, а дуне, цы фæци, цы, дæ фарн?
Кæрдзын - зынаргъ, лæджы ныхас - аслам.

Мæ зæрдæйы æмæ мæ риуы - хæст,
Мæ уарзтæй баззад хъизæмар æрмæст.

Сарибары уацары бадгæйæ мах,
Хæссæм та гъе уыцы "сæрибары" уаргъ.

Иннæтæн цины сахæттæ лæвæрдтон,
Фæлæ мæхæдæг мæстæй цæрд фæкодтон.

Уыдис нæм пец кæрдзын фыцынæн хохы
Стæй фат, цæмæй йæ бахъахъхъæнæм тохы.

Æбæлвыр, æнæуаг рæстæджы  уынæр
Сты хæхтæн стæй арвæн æмхуызон æвзæр.

Хæлардзинад дæтты нын рухс, мæнгардзинад та -тар,
Фæлæ вæййы нæ аууон сау - гъе уый дæ зæрдыл дар!

Ис цард æмæ мæлæт... Нæ ацæудзæн дæ рæзты.
Чи удыгас, чи мард - æппæтæй дæр æнгæстæ.

Æцæгдзинад дзырдтой Расул стæй Дант æдзух:
Хæлæггæнæджы уд æрвон курдиатæй цух.

Æнæ хæхтæй, ам, сахары, дзæбæх дæ,
Дзæбæх у ам, фæлæ хуыздæр та -  хæхтæ.

Æмдзæвгæ æмæ нотæтæ - æмыр,
Æз хъусын сын сæ сабырадмæ ныр.

Хъæздыг йæ хæстæ рох кæнынмæ рæвдз.
Ысхъæздыг дæ? Дæ зæрдыл дар дæ хæс.

Суфиаг сих йæ дæлбартæн фæдзæхста:
Фылдæр -хъуыддæгтæ, къаддæр та -ныхæстæ.

Йæ курдиат алкæмæн дæр у йæ цæсгом,
Гъе уымæн не сты курдиаттæ æмхуызон.

Чысыл къæхвæндаг ыстыр хæс райста:
Ызгъордта размæ... Йæ фæдыл ласта ...

Нæ фестдзæн царды кæрон алцыдæр сыджыт.
Мæ сæрыл - худ, кæй дардта-иу мæ фыд.

Уæлдай хæрзад цы кæрдзын сфыхта мад, 
Уæлдай зынаргъдæр райгуырæн бынат. 

Залина Басиева